ਵਿਧਾਨ ਸਭਾ ਹਲਕਾ ਸ੍ਰੀ ਚਮਕੌਰ ਸਾਹਿਬ ਤੋਂ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੇ ਗੁਰਦੁਆਰਾ ਸ੍ਰੀ ਕਤਲਗੜ੍ਹ ਵਿਖੇ ਮੱਥਾ ਟੇਕਿਆ। ਇਸ ਮਗਰੋਂ ਚੋਣ ਪ੍ਰਚਾਰ ਬੰਦ ਹੋਣ ਤੋਂ ਬਾਅਦ ਇੱਥੋਂ ਦੇ ਮੁੱਖ ਬਾਜ਼ਾਰ ਵਿਚ ਇੱਕਲੀ ਇੱਕਲੀ ਦੁਕਾਨ ਵਿਚ ਜਾ ਕੇ ਆਪਣੇ ਲਈ ਵੋਟਾਂ ਦੀ ਮੰਗ ਕੀਤੀ। ਉਨ੍ਹਾਂ ਕਿਹਾ ਕਿ ਜਿੰਨਾ ਵੀ ਵਿਕਾਸ ਸੰਭਵ ਸੀ, ਉਹ ਕੀਤਾ ਹੈ ਅਤੇ ਇੱਥੋਂ ਦੇ ਬਾਜ਼ਾਰ ਨੂੰ ਸੁੰਦਰ ਹੈਰੀਟੇਜ ਸਟਰੀਟ ਦਿੱਤੀ ਹੈ। ਇਸ ਨਾਲ ਬਾਜ਼ਾਰ ਦਾ ਕਾਫੀ ਸੁਧਾਰ ਹੋਇਆ ਹੈ ਅਤੇ ਰਹਿੰਦੇ ਕੰਮ ਹਾਲੇ ਵੀ ਚੱਲ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਉਹ ਸ਼ਹੀਦਾਂ ਦੀ ਧਰਤੀ ਸ੍ਰੀ ਚਮਕੌਰ ਸਾਹਿਬ ਦਾ ਹੋਰ ਵੱਡੇ ਪੱਧਰ ’ਤੇ ਵਿਕਾਸ ਕਰਨਾ ਚਾਹੁੰਦੇ ਹਨ। ਇਸ ਕਰ ਕੇ ਸ਼ਹਿਰ ਵਾਸੀਆਂ ਦੀ ਹੁਣ ਬਹੁਤ ਮੱਦਦ ਦੀ ਲੋੜ ਹੈ। ਇਸ ਮੌਕ ਸ਼ਮਸ਼ੇਰ ਸਿੰਘ ਮੰਗੀ, ਮਨਪ੍ਰੀਤ ਸਿੰਘ, ਨਗਰ ਪੰਚਾਇਤ ਦੇ ਪ੍ਰਧਾਨ ਸ਼ਮਸ਼ੇਰ ਸਿੰਘ ਭੰਗੂ, ਚੇਅਰਮੈਨ ਅਮਨਦੀਪ ਕੌਰ ਸੰਧੂਆਂ, ਕਰਨੈਲ ਸਿੰਘ ਸਰਪੰਚ, ਰੋਹਿਤ ਸੱਭਰਵਾਲ, ਨਿਰਭੈਰ ਸਿੰਘ ਬਿੱਲਾ, ਸ਼ਮਸ਼ੇਰ ਸਿੰਘ ਭੋਜੇਮਾਜਰਾ, ਮੁਨਿਤ ਕੁਮਾਰ ਮੰਟੂ ਆਦਿ ਹਾਜ਼ਰ ਸਨ।