ਗੁਰਦਾਸਪੁਰ, 21 ਮਈ (ਸ਼ਿਵਾ) – ਪੁਰਾਣੇ ਕੇਸ ਵਿੱਚ ਲੋੜੀਂਦੇ ਵਿਅਕਤੀ ਨੂੰ ਫੜਨ ਗਈ ਪੁਲਸ ਪਾਰਟੀ ਤੇ ਕੁੱਝ ਲੋਕਾਂ ਕੀਤਾ ਹਮਲਾ । ਪੁਲਸ ਪਾਰਟੀ ਤੇ ਹਮਲੇ ਵਿਚ ਦੋ ਪੁਲਸ ਪਾਰਟੀ ਦੇ ਸਿਪਾਹੀ ਜਖ਼ਮੀ ਹੋ ਗਏ। ਜਦ ਕਿ ਇੱਕ ਸਿਪਾਹੀ ਦੀ ਵਰਦੀ ਫੱਟ ਗਈ । ਇਸ ਸਬੰਧੀ ਪੁਲਸ ਨੇ ਮੌਕੇ ਤੇ ਹੀ ਇੱਕ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਜਦ ਕਿ ਤਿੰਨ ਔਰਤਾਂ ਸਮੇਤ 5 ਲੋਕ ਫਰਾਰ ਹੋ ਗਏ ।
ਇਸ ਮਾਮਲੇ ਸਬੰਧੀ ਗੱਲਬਾਤ ਕਰਦੇ ਹੋਏ ਪੁਲਸ ਸਟੇਸ਼ਨ ਸਿਟੀ ਦੇ ਐਸ . ਐਚ . ਓ ਗੁਰਮੀਤ ਸਿੰਘ ਨੇ ਦੱਸਿਆ ਕਿ ਪੁਲਸ ਪਾਰਟੀ ਨੂੰ ਮੁਖਬਰ ਦੀ ਸੂਚਨਾ ਮਿਲੀ ਸੀ ਕਿ ਦੋਸ਼ੀ ਰੋਹਿਤ ਕੁਮਾਰ ਉਰਫ ਰੋਮੀ ਰੇਲਵੇ ਸਟੇਸ਼ਨ ਕਾਲੋਨੀ ਗੁਰਦਾਸਪੁਰ ਵਿੱਚ ਕਿਸੇ ਦੇ ਘਰ ਵਿੱਚ ਲੁਕਿਆ ਹੋਇਆ ਹੈ। ਜਿਸ ਤੇ ਉਨ੍ਹਾਂ ਦੀ ਅਗਵਾਈ ਵਿਚ ਪੁਲਸ ਪਾਰਟੀ ਨੇ ਮੁਹੱਲਾ ਰੇਲਵੇ ਸਟੇਸ਼ਨ ਵਿੱਚ ਜਾ ਕੇ ਤਾਲਾਸ਼ ਸ਼ੁਰੂ ਕੀਤੀ ਤਾਂ ਇਸ ਦੌਰਾਨ 3 ਵਿਅਕਤੀਆਂ ਅਤੇ ਤਿੰਨ ਔਰਤਾਂ ਨੇ ਪੁਲਸ ਦੇ ਨਾਲ ਬਿਨਾਂ ਕਾਰਨ ਲੜਾਈ ਸ਼ੁਰੂ ਕਰ ਦਿੱਤੀ ਅਤੇ ਇਸ ਝੱਗੜੇ ਵਿੱਚ ਪੁਲਸ ਦਾ ਸਿਪਾਹੀ ਮਨਜਿੰਦਰ ਕੁਮਾਰ ਦੀ ਵਰਦੀ ਫੱਟ ਗਈ ਜਦ ਕਿ ਸਿਪਾਹੀ ਤਰਣਪ੍ਰੀਤ ਸਿੰਘ ਅਤੇ ਗੁਰਪ੍ਰੀਤ ਸਿੰਘ ਜਖ਼ਮੀ ਹੋ ਗਏ । ਉਨ੍ਹਾਂ ਨੇ ਦੱਸਿਆ ਕਿ ਪੁਲਸ ਨੇ ਮੌਕੇ ਤੇ ਹੀ ਇੱਕ ਵਿਅਕਤੀ ਰਾਜੇਸ਼ ਕੁਮਾਰ ਉਰਫ ਡਾਕਟਰ ਬੱਬਲੂ ਪੁੱਤਰ ਅਨਿਲ ਕੁਮਾਰ ਨਿਵਾਸੀ ਮੁਹੱਲਾ ਰੇਲਵੇ ਕਾਲੋਨੀ ਨੂੰ ਗ੍ਰਿਫਤਾਰ ਕਰ ਲਿਆ ਜਦ ਕਿ ਬਾਕੀ ਸਾਰੇ ਫਰਾਰ ਹੋ ਗਏ । ਉਨ੍ਹਾਂ ਨੇ ਦੱਸਿਆ ਕਿ ਪੁਲਸ ਨੇ ਸਿਪਾਹੀ ਮਨਜਿੰਦਰ ਕੁਮਾਰ ਦੇ ਬਿਆਨਾਂ ਦੇ ਅਧਾਰ ਤੇ ਉਕਤ ਦੋਸ਼ੀਆਂ ਦੇ ਵਿਰੁੱਧ ਮਾਮਲਾ ਦਰਜ ਕਰਕੇ ਉਨ੍ਹਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ ।
