ਦਿੱਲੀ: ਇੰਸੀਚਿਊਟ ਆਫ ਚਾਰਟਡ ਅਕਾਊਂਟਸ ਆਫ ਇੰਡੀਆ ਨੇ ਕੇਂਦਰੀ ਬਜਟ ‘ਚ ਕਰੀਬ 14 ਟੈਕਸ ਤੇ ਅਕਾਊਂਟਿੰਗ ਸੁਧਾਰਾਂ ਦੀ ਮੰਗ ਕੀਤੀ ਹੈ। ICAI ਪ੍ਰਧਾਨ ਨਿਹਾਰ ਐਨ ਜੰਬੂਸਾਰੀਆ ਨੇ ਕਿਹਾ ਕਿ ਸੁਝਾਅ ਦਾ ਉਦੇਸ਼ ਕਾਨੂੰਨਾਂ ਨੂੰ ਸਰਲ,ਪਾਰਦਰਸ਼ੀ, ਘੱਟ ਮੁਕੱਦਮੇਬਾਜੀ ਵਾਲਾ ਤੇ ਉਪਭੋਗਤਾ ਨੂੰ ਬਿਹਤਰ ਬਣਾਉਣਾ ਹੈ। CA ਵਿਦਿਆਰਥੀਆਂ ਨੇ ਇਕ ਅੰਤਰਰਾਸ਼ਟਰੀ ਸਮਾਰੋਹ ‘ਚ ਕਿਹਾ ,” ਸਾਡੇ ਵੱਲੋਂ ਲਗਪਗ 14 ਸੁਝਾਅ ਕੇਂਦਰੀ ਅਸਿੱਧੇ ਟੈਕਸ ਤੇ ਕਸਟਮਜ਼ ਬੋਰਡ (ਸੀ.ਬੀ.ਆਈ.ਸੀ.) ਨੂੰ ਵਿਚਾਰ ਲਈ ਪੇਸ਼ ਕੀਤਾ ਗਏ ਹਨ।”
ਸੁਝਾਵਾਂ ‘ਚ ਨੁਕਸਾਨ ਨੂੰ ਵਾਪਸ ਲੈਣ ਦੀ ਇਜਾਜ਼ਤ ਦੇਣਾ ਤੇ ਇਸਦੀ ਅਰਜ਼ੀ ਲਈ ਢੁਕਵੇਂ ਵਿਧਾਨਿਕ ਸੋਧਾਂ ਨੂੰ ਪੇਸ਼ ਕਰਨਾ ਸ਼ਾਮਲ ਹੈ। ਇਹ ਹੌਸਪਟੈਲਟੀ, ਯਾਤਰੀ ਆਵਾਜਾਈ ਅਤੇ ਕੁਝ ਹੋਰ ਖੇਤਰਾਂ ਲਈ ਢੁਕਵਾਂ ਹੈ। ਵਿਕਰੀ ‘ਚ ਮੰਦੀ ਦੇ ਸਬੰਧ ‘ਚ, ICAI ਨੇ ਕਾਨੂੰਨੀ ਸਥਿਤੀ ਨੂੰ ਸਪੱਸ਼ਟ ਕਰਨ ਲਈ ਆਮਦਨ ਕਰ ਕਾਨੂੰਨ ‘ਚ ਸੋਧ ਕਰਨ ਦਾ ਸੁਝਾਅ ਦਿੱਤਾ ਕਿ ਕੀ ਟ੍ਰਾਂਸਫਰ ਕਰਨ ਵਾਲੇ ਅਤੇ ਟ੍ਰਾਂਸਫਰ ਕੰਪਨੀ ਦੁਆਰਾ ਅਨੁਪਾਤਕ ਦਿਨਾਂ ਦੇ ਆਧਾਰ ‘ਤੇ ਘਟਾਓ ਦਾ ਦਾਅਵਾ ਕੀਤਾ ਜਾ ਸਕਦਾ ਹੈ।
ਇਕ ਫਰਵਰੀ ਨੂੰ ਆਵੇਗਾ ਬਜਟ
ਦੱਸਣਯੋਗ ਹੈ ਕਿ ਇਕ ਫਰਵਰੀ ਨੂੰ ਕੇਂਦਰੀ ਬਜਟ ਪੇਸ਼ ਹੋਣਾ ਹੈ। ਪੂਰੇ ਦੇਸ਼ ਦੀ ਨਜ਼ਰ ਮੋਦੀ ਸਰਕਾਰ ਦੇ ਇਸ ਬਜਟ ‘ਤੇ ਹੈ। ਬਜਟ ‘ਚ ਕਈ ਖੇਤਰਾਂ ਨੂੰ ਲੈਕੇ ਵੱਡੇ ਐਲਾਨ ਕੀਤੇ ਜਾਣ ਦੀ ਸੰਭਾਵਨਾ ਹੈ। ਇਸ ‘ਚ ਟੈਕਸ ‘ਚ ਛੋਟ ਮਿਲਣ ਦੀ ਸੰਭਾਵਨਾ ਵੀ ਸ਼ਾਮਲ ਹੈ।
