ਫੂਲਕਾ ਦੇ ਅਸਤੀਫ਼ਾ ਦੇਣ ’ਤੇ ਭਗਵੰਤ ਨੇ ਮੰਗੀ ਮਾਫ਼ੀ, ਮਾਨ ਨੇ ਕੰਗ ਦੇ ਹੱਕ ’ਚ ਮੁੱਲਾਂਪੁਰ ਵਿਖੇ ਕੀਤਾ ਰੋਡ ਸ਼ੋਅ

2017 ਦੀਆਂ ਵਿਧਾਨ ਸਭਾ ਚੋਣਾਂ ’ਚ ਐਡਵੋਕੇਟ ਐੱਚਐੱਸ ਫੂਲਕਾ ਨੂੰ ਭਾਰੀ ਬਹੁਮਤ ਨਾਲ ਜਿਤਾਉਣ ਵਾਲੇ ਹਲਕਾ ਦਾਖਾ ਦੇ ਲੋਕਾਂ ਤੋਂ ਸ਼ੁੱਕਰਵਾਰ ਨੂੰ ਆਮ ਆਦਮੀ ਪਾਰਟੀ ਦੇ ਸੂਬਾ ਪ੍ਰਧਾਨ ਭਗਵੰਤ ਮਾਨ ਨੇ ਮਾਫ਼ੀ ਮੰਗੀ। ਉਨ੍ਹਾਂ ਕਿਹਾ ਕਿ ਇਸ ਵਾਰ ਹਲਕਾ ਦਾਖਾ ਦੇ ਲੋਕਾਂ ਦਾ ‘ਆਪ’ ਨੂੰ ਸਮਰਥਨ ਦੇਣਾ ਬੇਕਾਰ ਨਹੀਂ ਜਾਵੇਗਾ। ਉਨ੍ਹਾਂ ਰੋਡ ਸ਼ੋਅ ਦੌਰਾਨ ਲੋਕਾਂ ਨੂੰ ‘ਆਪ’ ਉਮੀਦਵਾਰ ਕੇਐੱਨਐੱਸ ਕੰਗ ਦੇ ਹੱਕ ’ਚ ਵੋਟਾਂ ਪਾਉਣ ਦੀ ਅਪੀਲ ਕੀਤੀ। ਪਾਰਟੀ ਦਫ਼ਤਰ ਪੁੱਜਣ ’ਤੇ ਭਗਵੰਤ ਮਾਨ ਦਾ ਸਵਾਗਤ ਕੀਤਾ ਗਿਆ ਤੇ ਉਹ ਮੁੱਲਾਂਪੁਰ ਵਿਖੇ ਥੋੜ੍ਹੇ ਸਮਾਂ ਹੀ ਰੁਕੇ।